Lahè Nabi

Deungöe lôn peugah na saboh kisah
Masa Abrahah dijak prang kuta
Masa nyan lahè ya Rasulullah
Di nanggroe Mekah Abdullah bapa

Ka nibak thôn fil yakni thôn gajah
Sinan neu kisah bak alam tara
Oh waté lahè ya Rasulullah
Patông di mekah hancô binasa

Apui di Yaman nyang ka reutôh thôn
Nyang hana loen-loen meumasa-masa
Oh lahè nabi nibak Aminah
Apui meutuah gadoh binasa

Bak uroe senin öh suboh beukah
Cahaya ceurah peupeungeuh donya
Teuka Maryam rumöh janjongan
Jeut keu mak bidan sambôt saidina

Abdul Muthalèb seunang han bagoe
Neu tingku cuco langsong neujak ba
Keudèh u ka’bah neupusèng-pusèng
Neujak keulilèng rumöh mulia

14/4/13